Mirëse erdhët në faqen tonë. Në këtë artikull hyrjeje do ju shpjegojmë disa gjëra kryesore mbi faqen, qëllimin edhe funksionimin e saj.

- Çfarë është Feniksi.Com?

Feniksi është një faqe e cila do të përmbajë Guida profesionale të gjitha në gjuhën Shqipe. Guidat do të jenë të fushave të ndryshme të informatikës por ne do të përqëndrohemi kryesisht në teknikat kryesore  e të reja që përdoren për ndërtimin e faqeve të webit. Gjithashtu nuk do të mundojnë edhe tutorialet mbi programimin e designin.

Persona me eksperiencë në këtë fushë do ju tregojnë me anë të guidave hap pas hapi si të veproni e ndërtoni gjithçka. Në dispozicionin tuaj do të vendosen edhe kodet apo materialet e përdorura që ju mund ti përdorni për të mësuar më shumë. Ndihmë me anë të komenteve është një plus tjetër që ju ofrojmë ne.

- Kush qëndron mbrapa Feniksi.Com?

Personat që qëndrojnë mbrapa Feniksi.com e që shkruajnë tutorialet janë persona me eksperiencë të gjatë në fushën e internetit. Janë persona që kanë njohuritë bazë edhe të thelluara të teknikave që ju përshkruajnë. Si fillim në stafin tonë bëjnë pjesë:

• Romeo Shuka – Shkruan kryesisht për guidat në HTML, CSS, JAVA, SQL
• Fadion Dashi – Eksperti në fushën e PHP e MySQL
• Armand Brahaj – Një person tjetër me njohuri të thella në programim. Shkruan guida mbi Zend PHP
• Rinos Spahiu – Një djalosh i ri por shumë i talentuar që shkruan mbi WebDesignin
• Jonian Dervishi – Do të shkruaj mbi programinin, kryesisht mbi C# ose Visual Basic

Doni të bëheni edhe ju pjesë e stafit? Doni të kontribuoni në rritjen e cilësis së kësaj faqeje apo të shkruani një tutorial? Për të mësuar më shumë ju ftojmë të lexoni këtë artikull ose të kontaktoni me stafin.

- Doni të mësoni akoma më shumë?

Atëherë zona Premium është pikërisht për ju. Kundrejt një pagese fare të vogël mujore ju do të keni akses në guida të shkruara enkas për lexuesit e faqes. Do të keni mundësinë të bëni kërkesën tuaj për ndonjë guidë edhe do mund të merrni ndihmë personale me anë të emailit. Për të mësuar më shumë lexoni këtu.

- Sponsorët e Faqes

Mbrapa kësaj faqeje qëndron shumë punë e bërë kryesisht nga unë (Romeo) edhe Joni (Fadioni) gjithashtu edhe të gjitha të financuara nga ne. Ne do të ishim shumë mirënjohës nëse dikush do të financonte në projektin tonë. Nuk behet fjalë me lek por me mënyra të ndryshme për të zhvilluar faqen. Momentalisht kemi një Sponsor (un nuk kam kontaktuar të tjerë për ti kërkuar ndihmë).Juve si sponsor do të keni një banner në faqen tonë edhe do të përmendeni në artikuj duke ju falenderuar. Kështu që i bëj thirrje firmave të ndryshme që duan të promovojnë artikujt e tyre apo shërbimet të na kontaktojnë për më shumë e për sqarime të mëtejshme.

Me këtë rast doja të falenderoja kompaninë Host.AL e cila na mundësoi hostimin profesional të faqes.

- Na ndiqni për të përfituar më shumë

Doni të merrni akoma më shumë nga kjo faqe? Atëher ne ju ftojmë të na ndiqni në rrjetin tonë për të përfituar akoma më shumë e për të marrë gjëra ekstra. Ne mund të na gjeni:

• Twitter: Bëhuni ndjekës edhe njoftohuni direkt sapo të postohet një material në faqe
• Facebook: Bëhuni fan i grupit tonë edhe jepni sugjerime apo komentoni mbi tematikën e faqes
• RSS Feed: Mjeti me i thjeshtë me marrë lajmet e reja direkt në emailin tuaj

- Abonohuni me email

Abonimi me e-mail është mjeti më i mirë me marrë të gjitha lajmet e reja në kutinë tuaj të postës. Gjithashtu të gjithë të abonuarit me e-mail do të kenë mundësinë të parët të përfitojnë nga ofertat tona (që do të jenë të shumta). Ne ju ftojmë të abonoheni edhe të mos keni problem sepse nuk do të merrni e-maile bezdisëse kurrë. Do t’ju dërgojmë email kur të postohet ndonjë artikull i ri ose kur kemi ndonjë ofertë. Më poshtë keni një tutorial të vogël që ju tregon si të abonoheni në faqe.

a. Si fillim duhe të shkoni në fund të një artikulli ku është edhe zona e komenteve. Aty do të shihni një formular ku duhet të fusni emailin tuaj edhe të shtypni butonin abonohu.

Vendosni Emailin tuaj

b. Mbasi ta keni bërë këtë do ju hapet një dritare e re e cila do ju kërkoj që të vendosni kodin e sigurisë në mënyrë që të merrni emailin. Kjo bëhet për të shmangur Spamet edhe abuzimet nga botet automatike. Ju duhet të vendosni kodin e shfaqur në figurë edhe pastaj të klikoni Complete Subscription Request. Shikoni figurën më poshtë

Vendosni kodin e sigurisë

c. Ju nuk keni mbaruar me kaq. Për të shmangur abuzimet nga personat me emailin tuaj, juve ju duhet të hyni në kutinë postare edhe të klikoni një link që ju është dërguar me email. Mbasi të keni bërë këtë veprim atëher do të ketë përfunduar edhe abonimi edhe ju do të merrni lajmërimet që abonimi u krye.

Klikoni tek linku që ju vjen në email

- Si të përfitoj më shumë nga Feniksi?

Ju mund të përfitoni nga guidat tona duke i ndjekur ato (me anë të emailit si më sipër) por edhe duke bërë pyetje të ndryshme tek komentet. Ju mund të na drejtoheni neve me anë të komenteve duke na pyetur mbi hapat e një guide.

Kujdes: Nuk lejohet pyetjet për probleme jashte temës edhe nuk lejohen pyetjet mbi ndryshime personale që ju doni të bëni tek materiali i ofruar. Ju mund të pyesni vetëm mbi guidën që jeni duke komentuar për paqartësi apo për një shpjegim më të hollësishëm të hapir që nuk kuptoni.

Bashkëbisedmi i krijuar nga lexuesit e bën faqen më tërheqëse edhe interesante për vizitorët e rinj. Kështu që ne ju frojmë të komentoni edhe të mësoni më shumë nga ndihma e marrë aty.

- Si funksionojnë komentet?

Funksionimi i komenteve është pothuajse i ngjashëm si tek të gjithë faqet e tjera të fuqizuara nga WordPress. Ne ju kemi dhënë disa mundësi më shumë për t’ju lehtësuar punën. Si fillim do doja t’ju kujtoja se komentet do të publikohen menjëherë pas shkrimit tuaj edhe nuk do të kenë nevoj për aprovim. Të vetmet raste kur duhet aprovim janë:

• Nëse komenti juaj përmban fjalë banale: Në këtë rast rrezikoni të merrni ban në komentet edhe mos të keni mundësinë të komentoni më. Prandaj do ju lutesha që të jeni sa më të sjellshëm në ato që shkruani.
• Komenti përmban link në të: Në këtë rast komenti do të dërgohet tek administratori për aprovim. Normalisht në komente nuk duhet të ketë linke edhe prandaj e kemi aktivizuar këtë opsion për të shmangur Spamet e rreklamat e ndryshme. Nëse juve do ju duhet me vendosur ndonjë link për të treguar një faqe që ka lidhje me temën, atëher mund ta bëni pa probleme. Linku juaj do të aprovohet e shfaqet më vonë e jo direkt si në rastin e mësipërm.
• Përdoni gjuhë të pakuptueshme: Nëse gjuha e përdorur do të jetë e pakuptueshme, në dialekt të fortë apo me shumë shkurtim, atëher ne kemi të drejtë ta fshimë ose ta modifikojmë atë. Kështu që ne do ju luteshim që të jeni sa më të qartë në atë që shkruani edhe të përdorni shenjat e pikësimit.

Tek komenti ju keni disa mundësi shtesë që janë:

a. Të gjithë mund të bëjme gabime gjat një shkrimi, kështu që ne ju kemi dhënë mundësi që të modifikoni komentin tuaj. Ju keni 10 min kohë për ta modifikuar (nëse keni bërë gabime) ose për të dërguar një kërkesë për fshirjen e tij. Mund të ketë arsye të ndryshme që mund të kërkoni modifikomin apo fshirjen. Pra ju jeni të lirë të veproni brënda këtyre 10 minutave. Nëse kan kaluar minuta atëher kontaktoni stafin për më shumë.

b. Nëse gjat komenteve ju doni të bazoheni tek një koment tjetër duke e cituar atë edhe duke i dhën përgjigje pyetjes së tij, atëher ju mjafton që të klikoni tek linku Përgjigju. Menjëher në kutinë tuaj të kontaktit do të citohet ai koment e ju mund të shkruani poshtë tij komentit tuaj.

Për më shumë këtu poshtë keni një figurë se si duken tre butonat që ju përmenda më lartë.

Mundësitë në komente

- Doni të na ndihmoni apo falenderoni?

Doni edhe ju të jepni ndihmën tuaj për zhvillimin e faqes tonë? Mund ta bëni fare lehtë duke postuar artikujt tonë në rrjetet sociale si Facebook apo Tweeter ose duke klikuar mbi butonin Më Pëlqen në fillim të artikullit. Si këto funksionojnë po ju tregoj më poshtë.

a. Mënyra e parë me anë të cilës ju mund të na ndihmoni apo falenderoni për punën tonë është që të postoni artikujt tonë në rrjetet sociale si Facebook, Twitter, Digg, Kapsit e shumë të tjera. Për t’ju thjeshtuar punën ne kemi vendosur disa butona me anë të cilëve mund ta bëni këtë gjë. Në faqen kryesore apo edhe në shikimin e kategorive, afër titullit të një artikulli do të gjeni një buton “tweet”. Nëse klikoni aty ju do të postoni artikullin në Twitter. Ndërsa nëse hyni në brëndësi të artikullit edhe shkoni në fund, do të keni disa ikona të rrjeteve më të mëdhenj social që mund ti përdorni. Më poshtë keni edhe imazhet ilustruese të butonave.

Butoni tek faqja Kryesore

Butonat në brëndësi të artikullit

b. Një mundësi e dytë për të na falenderuar është duke klikuar butonin Më Pëlqen që gjëndet në fillim të artikullit kur keni hyr brënda. Kjo është një mënyrë tjetër nëse ju nuk doni të komentoni apo të postoni në rrjetet sociale. Ne do të na bëhet qefi shumë nëse ju ju pëlqen ai artikull edhe klikoni tek ai buton. Kështu na falenderoni për punën tonë edhe na shtyni të shkruajmë më tej artikuj të tillë. Për të bërë këtë gjë mjafton të klikoni tek fjala më Pëlqen. Shikoni figurën më poshtë.

Klikoni butonin më Pëlqen

- Përfundimi

Shpresoj që të kemë përmendur gjërat kryesore të faqes tonë të re. Nëse ju keni pyetje apo doni të sqaroni një problem, jeni të lutur të na shkruani tek komentet. Ne do mundohemi t’ju përgjigjemi të gjitha pyetjeve tuaja. Gjithashtu ju kujtoj se si fillim kemi postuar 8 materiale në faqen tonë nga të cilat mund të niseni me mësuar. Të gjitha sugjerimet për përmirësim edhe feedbacket që marim na ndihmojnë në përmirësimin e shërbimit tonë.

Ne ju kujtojmë të lexoni me kujdes Kushtet e Përdorimit edhe ju urojmë qëndrim të këndëshëm në faqe.

Me Respekt

Stafi i Feniksi.Com